कड्यात रक्तदान शिबिरात १०३ दात्यांनी जोपासले सामाजिक दायित्व : अमोलक ऋषींच्या पुण्यतिथीनिमित्त रक्तदान शिबिर संपन्न 
राजेंद्र जैन/ कडा --------------
कडा येथील अमोलक जैन शिक्षण संस्थेचे संस्थापक जैनाचार्य बालब्रम्हचारी प.पु. अमोलक ऋषीजींच्या पुण्यतिथी सोहळ्यानिमित्त शुक्रवारी घेण्यात आलेल्या रक्तदान शिबिरात १०३ दात्यांनी स्वंयस्फुर्तीने रक्तदान करुन सामाजिक दायित्वाची जोपासना केली. आष्टी तालुक्यातील कडा येथील शैक्षणिक क्षेत्रात नावलौकिक असलेल्या श्री अमोलक जैन शिक्षण संस्थेचे संस्थापक जैनाचार्य प.पु. अमोलक ऋषीजींच्या पुण्यतिथी सोहळ्यानिमित्त येथील गांधी महाविद्यालयात शालेय वक्तृत्व स्पर्धा, सामाजिक, सांस्कृतिक, धार्मिक कार्यक्रमांसह रक्तदान शिबिराचे आयोजन करण्यात आले होते. या शिबिराला उस्फुर्त प्रतिसाद मिळाला असून, तब्बल १०३ दात्यांनी स्वंयस्फुर्तीने रक्तदान करुन सामाजिक दायित्वाची जोपासना केली. तसेच प्राणीमित्र नितीन आळकुटे यांना मान्यवरांकडून प्राणीमित्र पुरस्कार देऊन विविध स्पर्धेत सहभागी झालेल्या विजेत्यांना मान्यवरांच्या हस्ते स्मृतिचिन्ह, सन्मानपत्र व पुष्पगुच्छ देऊन सन्मानित करण्यात आले. याप्रसंगी प.पु. विश्वदर्शनाजी मसा, कीर्तिसुधाजी मसा यांच्यासह संस्थेचे पदाधिकारी, प्राचार्य, प्राध्यापक, शिक्षक, विद्यार्थी मोठ्या संख्येने उपस्थित होते. अमोलक जैन संस्थेचे अध्यक्ष योगेश भंडारी, उपाध्यक्ष कांतीलाल चानोदिया, सचिव हेमंत पोखरणा, डाॅ. उमेश गांधींसह इतर पदाधिका-यांकडून रक्तदान शिबिरात रक्तदान करून सामाजिक बांधिलकी जोपासणा-या सर्व दात्यांचे संस्थेकडून आभार व्यक्त करण्यात आले.
stay connected