घरातले भांडण घरातच मिटले, तुमचे मिटले पण कार्यकर्त्यांचे काय ? 

        - - - - - - - - - - - - - - - - - - - - - - - - 

जामखेड - उपमुख्यमंत्री देवेंद्र फडणवीस यांच्या मध्यस्थीने आ. राम शिंदे व खा. सुजय विखे यांच्यातील वाद मिटला असल्याचे माध्यमांशी बोलताना सोमवारी दोन्ही नेत्यांनी सांगितले असले तरी आ. राम शिंदे यांचे कार्यकर्ते म्हणतात तुमचे मिटले आमचे नाही या पत्रकारांनी विचारलेल्या प्रश्नांला उत्तर देताना आ. राम शिंदे म्हणाले की, कार्यकर्ते भाजपचेच आहेत, मी देखील भारतीय जनता पार्टीचा कार्यकर्ता आहे, आणि उमेदवार देखील भारतीय जनता पार्टीचा असल्याने घरातील भांडण हे घरातच मिटणार असल्याचे सांगून खा. सुजय विखे यांच्या निवडणूकीसाठी तालुकास्तरीय बैठकीचे लवकरच आयोजन केले जाईल असे आ. राम शिंदे यांनी सांगितले. 

        जामखेड शहरातील प्रसिद्ध खाऊगल्ली आशा भेळ या ठिकाणी आ. राम शिंदे यांनी भेट दिली. यावेळी डिवायएसपी पदी निवड झालेले नितीन खेत्रे यांचा सत्कार आ. राम शिंदे यांच्या हस्ते करण्यात आला तसेच जामखेड शहराच्या खव्वयांसाठी प्रफुल्ल सोळंकी व पत्रकार किरण रेडे यांनी खाऊगल्ली सूरू केली आहे. जामखेडमध्ये एकाच छताखाली शभंर पदार्थांची मेजवानी उपलब्ध करून दिली आहे जामखेडकरांनी याचा नक्की आस्वाद घ्यावा तसेच युवकांनी व्यवसायीक झाले पाहिजे व आपल्या परिसराची गरज ओळखून व्यवसायात पदार्पण करावे आसे बोलताना सांगितले

      देशात लोकसभा निवडणुकीतचे वारे वाहू लागले आहे. तसे राज्यातही निवडणूका होऊ घातलेल्या आहेत अहिल्यानगर दक्षिणेची जागा महायुतीच्या वतीने खा. सुजय विखे पाटील हे लढवत आहेत.

सर्वच पक्ष या निवडणुकीसाठी गतीने तयारी करत आहेत. भारतीय जनता पार्टी व महायुतीचे सर्वच जण निवडणुकीसाठी सज्ज झालेलो आहोत विखे पाटील यांच्या निवडणूक तयारीसाठी बैठकांचे सत्र सुरू आसुन तालुकास्तरावर बैठकांचे आयोजन लवकरच होणार आहे आसे बोलताना आ. प्रा. राम शिंदे यांनी सांगितले. 

    खासदार डॉ सुजय विखे पाटील यांच्या उमेदवारीला भाजपातील आमदार प्रा. राम शिंदे यांच्या गटाने विरोध केला होता हा वाद थेट देवेंद्र फडणवीस यांच्या कोर्टात गेला होता. फडणवीस यांनी समझोता करत आमदार प्रा राम शिंदे यांची नाराजी दूर केली आहे. यामुळे विखेंचे टेन्शन मिटले आहे पण कर्जत जामखेड तालुक्यातील भाजप कार्यकर्ते अद्याप न्युटल आहेत. त्यांची नाराजी बैठकीत कशी मिटली जाते की ते लंकेचा छुपा प्रचार करतात याकडे लक्ष लागले आहे. 

    यावेळी त्यांच्या समवेत डॉ भगवान मुरूमकर, परमवीर पांडुळे, जिल्हा सरचिटनीस सोमनाथ पाचरणे, युवामोर्चा तालुकाध्यक्ष बाजीराव गोपाळघरे, शहराध्यक्ष पवनराजे राळेभात, कोषाअध्यक्ष प्रविण चोरडीया, पोपट राळेभात, नगरसेवक अमित चिंतामणी, डॉ ज्ञानेश्वर झेंडे, बिभिषन धनवडे, मनोज कुलकर्णी, लहु शिंदे, गोरख घनवट, प्रा लक्ष्मन ढेपे, अशोक महारनवर, उध्दव हुलगंडे, मोहन गडदे, भास्कर गोपाळघरे, सागर सोनवने, पत्रकार किरण रेडे, प्रफुल्ल सोळंकी यांच्या कार्यकर्ते उपस्थित होते.