आमदार आशोक पवार यांच्या हस्ते शांततेचा संदेश देणारा 'लव्ह जिहाद...?'  चे  पोस्टर जाहीर

लव्ह जिहाद हा लघुपट  समाजाचे वास्तवावरील भाष्य करणारा व शांततेचा संदेश देणारा लघुपट आहे. हे पण लव्ह जिहाद का ? प्रेमाला जात धर्म असतो का ? असा प्रश्न या व्यवस्थेला विचारणारा लघुपट आहे. दोन्ही समाजातील गैरसमज दूर करून शांततेचा संदेश देण्याचा प्रयत्न केला आहे. नुकतेच या चित्रपटाचे पोस्टर व ट्रेलर आमदार आशोक बापू पवार यांच्या हस्ते प्रकाशित करण्यात आले. 

     लव्ह जिहाद लघुपटाचे लेखक, दिग्दर्शक  विशाल नामदेव सिरसट. सहनिर्माते दादासाहेब गोसावी, शीतल गोसावी व पप्पू पानझाडे. या लघुपटात मुख्य भूमिकेत विजय जायभाये व तेजल मेने यांनी अभिनय केला आहे. तसेच चित्रपट निर्माते संदीप राक्षे यांनी मुलाच्या वडिलाची व सुप्रसिद्ध अभिनेत्री मीना कुलकर्णी यांनी मुलाच्या आईची भूमिका साकारली आहे. या लघुपटातून प्रतिमा शिंदे यांनी पदार्पण केले आहे. तसेच सुप्रसिद्ध लेखक, कवी व अभिनेते विनायक रायकर यांनी हि या लघुपटात भूमिका साकारली आहे. तसेच बालकलाकार शिवम गोसावी याने हि उत्तम अभिनय केला आहे. या लघुपटाचे संकलन सचिन मोरे व विशाल सिरसट, रंगभूषा व वेशभूषा वैष्णवी पानझाडे, छायांकन सचिन मोरे व अक्षय पालके, संगीत सचिन मोरे. रेकॉर्डिंग अनिरुद्ध शिंदे ओरीजनल किंग व द वयक्तिक प्रोडक्शन या निर्मिती संस्थेने या लघुपटाची निर्मिती केली आहे.