*सरकार ग्रुप चे अध्यक्ष सचिन आण्णा लोखंडे यांचा वाढदिवस नवजीवन संगोपन केंद्र आष्टी येथील गोरगरीब विद्यार्थ्यांना अन्नदान करुन साजरा*

==============================================

आष्टी  प्रतिनिधी

आष्टी येथील सरकार ग्रुप चे संस्थापक अध्यक्ष तथा मुर्षदपुर आष्टी  ग्रामपंचायतचे विद्यमान सदस्य मान.सचिन आण्णा लोखंडे यांनी आपला वाढदिवस सामाजिक बांधिलकी जोपासत व्यर्थ  खर्च टाळून नवजीवन संगोपन केंद्रातील अनाथ, निराधार,गोरगरीब, वंचित विद्यार्थ्यांना  गोड जेवण देऊन साजरा केला.

वाढदिवस म्हटला की, प्रत्येकजण पार्टीचा तर कोणी पर्यटन ठिकाणी जाऊन सेलिब्रेशन करण्याचा बेत आखतात. परंतु नेहमीच सामाजिक कार्यात अग्रेसर असलेले युवकांचे प्रेरणास्थान सचिन आण्णा लोखंडे यांनी आपला वाढदिवस आष्टी शहरातील नवजीवन संगोपन केंद्रातील गोरगरीब अनाथ निराधार विद्यार्थ्यांना  मदत व्हावी तसेच फुल ना फुलाची पाकळी का होईना समजाचे आपण काहितरी देणे लागतो या सामाजिक भावनेतून सामाजिक उपक्रमाने साजरा केला.यावेळी विद्यार्थ्यांना  मिठाई चे वाटप केले सर्व मुलांना गोड जेवण आणि खाऊ दिला. यावेळी विद्यार्थ्यांच्या चेह-यावरील वेगळाच आनंद पाहायला मिळाला. 

यावेळी सचिन आण्णा लोखंडे  बोलताना म्हणाले की म्हस्के मेजर आपण खूप छान करत आहात या सामाजिक कार्यात आमची जेंव्हा कधी गरज भासेल तेंव्हा हक्काने आम्हाला सांगा आम्ही ती नक्की पूर्ण करू.आजच्या या धावपळीच्या जीवनात आपण या गोरगरीब मुलांना त्यांचे पालक होऊन त्यांचे दुःख वाटून घेऊन तसेच त्या मुलांना  शिक्षणाच्या प्रवाहात आणून  या प्रकल्पास शासनाचे कसलेही अनुदान नसताना आनंदाने सांभाळता हे खूप चांगले आणि पुण्याचे कार्य आहे.आपणास पुढील वाटचालीस खूप खूप शुभेच्छा.

यावेळी नवजीवन संगोपन केंद्र आष्टी चे  संस्थापक अध्यक्ष  विकास म्हस्के मेजर,अजिंक्य म्हस्के, यांनी सचिन आण्णा लोखंडे यांना वाढदिवसाच्या शुभेच्छा दिल्या.यावेळी संस्थेचे कर्मचारी आणि मित्र परिवार  मोठ्या संख्येने उपस्थित होते.