🏅 धानोरा येथील विद्यार्थिनी आदित्य फिरंगे हिने राष्ट्रीय कुस्ती स्पर्धेत मिळवले कांस्यपदक

धानोरा | प्रतिनिधी

रायगड येथे पार पडलेल्या राज्यस्तरीय कुस्ती स्पर्धेमध्ये जनता माध्यमिक व उच्च माध्यमिक विद्यालय, धानोरा (ता. आष्टी, जि. बीड) येथील इयत्ता सातवीची विद्यार्थिनी कुमारी आदित्य फिरंगे हिने उत्कृष्ट कामगिरी करत सुवर्णपदक पटकावले.

या यशाच्या जोरावर आदित्यची निवड दिल्ली येथे झालेल्या राष्ट्रीय कुस्ती स्पर्धेसाठी करण्यात आली. राष्ट्रीय स्तरावरील या स्पर्धेत तिने 30 किलो वजनी गटात कांस्यपदक (ब्राँझ मेडल) मिळवत विद्यालयाचे, धानोरा गावाचे तसेच बीड जिल्ह्याचे नाव उज्ज्वल केले आहे.

आदित्यच्या या उल्लेखनीय यशाबद्दल विद्यालयातील सर्व शिक्षक, शिक्षकेतर कर्मचारी वर्ग तसेच संस्थेचे अध्यक्ष श्री. अब्दुल भाई सय्यद, संस्थेचे सचिव श्री. कुमार अण्णा बांदल, प्राचार्य श्री. शिवाजी ढोबळे सर, उपमुख्याध्यापक श्री. सय्यद ए. डी. सर, उपप्राचार्य श्री. तीपुळे सर, तसेच पर्यवेक्षक श्री. गवळी सर यांनी तिचे मनापासून अभिनंदन केले.

विद्यालय प्रशासनाने आदित्यला पुढील वाटचालीसाठी हार्दिक शुभेच्छा दिल्या असून तिच्या मेहनतीचे व जिद्दीचे सर्वत्र कौतुक होत आहे. ग्रामीण भागातील विद्यार्थिनीने राष्ट्रीय पातळीवर मिळवलेले हे यश प्रेरणादायी ठरत आहे.

📌 गौरवाची कामगिरी
राज्यस्तरीय कुस्ती स्पर्धा (रायगड) – सुवर्णपदक
राष्ट्रीय कुस्ती स्पर्धा (दिल्ली) – 30 किलो गटात कांस्यपदक
आदित्य फिरंगेच्या या यशामुळे धानोरा परिसरात आनंदाचे वातावरण असून तिच्या पुढील स्पर्धांसाठी सर्व स्तरातून शुभेच्छांचा वर्षाव होत आहे.