आटोळ्यांच्या आटओळ्या..!

लय, स्थिती, गती..! 

दोनशे कोटी 'थक'बाकी कर्ज असणार्‍या,

कारखान्यावर संचा'लक' होण्यासाठी शेकडोंच्या उड्या-

आत्मपरीक्षण करा, आपण कुठे चाललोय गड्या? 

सहकारात बोकाळलाय 'स्वा'हाकार-

सहकार क्षेत्रात आज आहे हाहाकार!

सहकार मोजतोय शेवटच्या घटका-

सभासदांना त्याचा बसतोय फटका! 

तज्ञ समस्या सोडविण्यात असतात पटाईत-

निर्माण करण्यातही तेच असतात सराईत! 

          

 "डर"-काळी..! 

'माळेगाव'च्या निवडणुकीची लागली चाहुल-

चार हजार रुपये 'भावा'ची उठवतात हूल! 

हूल-बाय हूल, निवडणुकीची झुल-

पाच वर्षे काढली 'कुल'! 

शेतकरी आशा'वादी' असतात-

बरेच काही ते सोसतात! 

           

वाटे कडे लागले डोळे..!

चैत्रात नव पालवीने निसर्ग 'नट'ला!

वैशाख वणवा पेटला!

पावसा, लक्ष लागले तुझ्या आगमनाकडे-

लवकर ये गडे! 

तुझ येण म्हणजे नुसत येण नसत-

निसर्गाला नव 'चैतन्य' देण असत! 

उस उत्पादकतेत वाढ..?

कृत्रिम बुद्धिमत्तेतुन उसाचे वजन, उतारा, 

वाढविण्याच्या फैरी झडत आहेत-

गळितात प्रती हेक्टरी ८८ टनावरुन, 

७५ टनावर येऊन वजन घटत आहे!

शेत जमीनीच्या सुपिकतेचा रास,

रासायनिक खतांचा,पाण्याचा अवास्तव वापर-

ऐ आय कुणावर फोडणार खापर? 

धोक्यात आहे, 

उस उद्योगाची दीर्घकालीन शाश्वता-

ठामपणे धोरणे राबविण्याची आहे आवश्यकता!

           

सोपानराव आटोळे.
              खांडज-बारामती. 
                ०६/०५/२०२५.