आ. रोहीत पवारांचे भव्य रॅली काढून शक्तीप्रदर्शन करीत उमेदवारी अर्ज दाखल

------------------------------------------

हिम्मत असेल तर समोरासमोर बसा रोहित पवार यांचे राम शिंदेना थेट आवाहन 

------------------------------------------

जामखेड - कर्जत जामखेड मतदार संघातील विकास कामावर राम शिंदे हे बोलत नाही ते व्यक्तिगत टिका करतात त्यांना विकासाबाबत कळतच नाही. त्यांना माझे आव्हान आहे की त्यांच्यात धाडस अगर हिंमत असेल तर त्यांनी विकासाच्या मुद्यावर समोरासमोर यावे मी माझे पुरावे घेऊन येतो त्यांनी त्यांचे घेऊन यावे असे आव्हान आ. रोहीत पवार यांनी आ.राम शिंदेंना सोमवारी उमेदवारी अर्ज दाखल केल्यानंतर पत्रकाराशी बोलत होते.

आ. रोहीत पवार यांनी कर्जत येथील तहसील कार्यालयात उमेदवारी अर्ज दाखल करण्यापूर्वी आ. 

रोहीत पवार यांनी चोंडी येथील अहिल्यादेवी होळकर, खर्डा येथील सिताराम बाबा गड, गिते बाबा गड, जामखेड येथील श्री नागेश्वर मंदिर, इमामशाह वली दर्गा, कर्जत येथील गोदड महाराज यांचे कुटूंबा सह दर्शन घेतले यावेळी मतदारसंघातील नागरिकांनी त्यांचे औक्षण केले. वडिलधारी माणसांचे दर्शन घेऊन ते कर्जत येथील तहसील कार्यालयात उमेदवारी अर्ज दाखल करण्यासाठी आले यावेळी 

होळकर घराण्याचे वंशज बृजभूषन होळकर, सुनंदाताई पवार, व सर्वसामान्य नागरिकांच्या उपस्थित दाखल केला. यानंतर कर्जत येथील अक्काबाई चौकात रॅलीसाठी आ. रोहीत पवार आले असता पत्रकारांशी बोलत होते. यावेळी बोलताना आ. पवार म्हणाले, महाविकास आघाडीचे १७० ते १८० उमेदवार निवडून येतील. महाराष्ट्रात ब-याच ठिकाणी काही असे पक्ष उमेदवार उभे आहेत ते मते खाण्यासाठी आहेत काही अपक्ष आहेत त्यांना सुपारीबाज म्हटले जात आहे. लोक महाविकास आघाडीच्या विचाराला पाठिंबा देतील व मतदान करतील सुपारीबाजला मतदान करणार नाही.

 

आ. रोहीत पवारांचा भुमीपूत्रावर टोला

-------------------

देशातील तुम्ही, मी असे १४० कोटी लोक भुमीपूत्र आहे. जर कोणी देश, राज्य, प्रांत प्रभाग यावर भेदभाव करत असेल तर ते चुकीचे आहे. माझ्या विरोधात असणारे येथील उमेदवार जर भुमीपूत्रावर बोलत असतील तर ते माझ्यावर बोलत नाही ते त्यांच्या पार्टीच्या विरोधात बोलत आहे. नरेंद्र मोदी, देवेंद्र फडणवीस, चंद्रकांत पाटिल हे तेथील नाहीत तरी ते दुसरीकडे उभे आहेत. राम शिंदे यांना पार्टीकडून अजून मदत मिळाली नाही ज्यावेळेस मदत मिळेल त्यावेळी ते प्रचाराला लागतील. 

जातीपातीचे राजकारण भाजपकडून होईल 

---------------------------------

जातीपातीचे राजकारण करण्यासाठी भाजपकडून दोन समाजात तेढ निर्माण करण्यात प्रयत्न होत आहे. परंतु महाराष्ट्रातील जनता हुशार आहे. तुम्ही किती काही प्रयत्न केला तर विकासावर लोक मतदान करतील. गेल्या दहा वर्षाचा विचार केला तर भाजप सरकारने महाराष्ट्राचा कमी गुजरातचा जास्त विचार केला त्यामुळे भाजप नेत्याच्या डोळ्यावर गुजरातची पट्टी आहे. ती पट्टी काढायची वेळ आली आहे. ख-या अर्थाने महाराष्ट्र एक नंबर राज्य करण्यासाठी आम्ही सर्व सज्ज आहोत.

 

मराठा संघर्ष योध्दा मनोज जरांगे पाटील यांच्या उमेदवाराचा अर्ज दाखल केला आहे. ते आम्हाला पत्रकार कडून कळते आहे. ३० तारखेला जरांगे पाटील भुमिका स्पष्ट करणार आहे. त्यावेळी कोणाचा कोणाला पाठिंबा आहे हे कळेल असे आ. रोहीत पवार म्हणाले.

 

आ. रोहीत पवारांचे नृत्य व रॅलीतून शक्तिप्रदर्शन 

---------------

रॅलीत आ. रोहीत पवारांचा यांच्या रॅलीत धनगरी नृत्य सादर करण्यात आले यावेळी आ. रोहीत पवार यांनी तशी वेशभूषा करून नृत्य केले. या रॅली सर्व जातीधर्माचे नागरिक मोठय़ा संख्येने उपस्थित होते. यावेळी उपस्थिताकडून एकच वादा रोहीत दादा अशा घोषणांनी कर्जत दुमदुमून गेले होते. सदर रॅलीतून शक्तीप्रदर्शन पाहता रोहीत पवारांचे विजयाचे मताधिक्य नक्कीच वाढणार अशी चर्चा नागरिकात होती.