AGRISTACK / फार्मर आयडी काढून घ्या - तहसिलदार आष्टी

राज्यात अॅग्री स्टॅक योजने अंतर्गत शेतकरी माहिती संच तयार करुन शेतकऱ्यांना त्याचे ओळख क्रमांक देण्याबाबतचे कामकाज मोहिम स्वरुपात राबविण्यात येत आहे. महाराष्ट्र शासन कृषी व पशुसंवर्धन विभाग, शासन निर्णय दि.11 एप्रिल, 2025 अन्वये यापुढे कृषी विभागामार्फत राबविण्यात येणाऱ्या योजनांच्या लाभाकरिता शेतकरी ओळखपत्र क्रमांक (Farmer ID) दि. 15/04/2025 पासून अनिवार्य करण्यात आलेला असून ज्या शेतकऱ्यांनी अद्याप शेतकरी ओळखपत्र क्रमांक (Farmer ID) साठी नोंदणी केलेली नाही. त्या शेतकऱ्यांना तातडीने सदर पोर्टलवर नोंदणी करण्यासाठी प्रवृत्त करावे यासाठी शेतकऱ्यांनी ग्राम कृषी विकास समिती व आपले जवळचे आपले सरकार सेवा केंद्राची मदत घेवून नोंदणी करुन घ्यावी. जेणेकरुन यापूढे शासनाचे सर्व लाभ शेतकऱ्यांना मिळणे सोयीचे होईल. तसेच मा. जिल्हाधिकारी, बीड यांनी ऑनलाईन व्ही.सी. व्दारे अॅग्री स्टॅक विषयी आढावा बैठक घेतली असता आष्टी तालुक्यामधील एकूण 69827 शेतकऱ्यांपैकी अॅग्री स्टॅक अंतर्गत फार्मर आय डी (शेतकरी ओळखपत्र) नोंदणी इ गलेल्या शेतकऱ्यांची संख्या 47652 इतकी असून अद्यापही 22175 शेतकऱ्यांनी फार्मर आय डी (शेतकरी ओळखपत्र) नोंदणी केली नसल्याचे दिसून आले असून तालुक्यातील उर्वरित 22175 शेतकरी यांनी दि. 01/05/2025 पर्यंत जवळच्या आपले सरकार सेवा केंद्र सेतू केंद्रावर जावून फार्मर आय डी (शेतकरी ओळखपत्र) नोंदणी करुन घ्यावी फार्मर आय डी (शेतकरी ओळखपत्र) म्हणजे शेतकरी व त्यांच्या शेतजमिनीची ओळख पटविणे, शेतक-याने पेरलेल्या पिकाचे नाव आणि क्षेत्र निश्चिती करुन माहितीच्या माध्यमातून शेतकरी कर्ज वितरण सुलभता व कृषी योजनांची कार्यक्षमतापूर्ण अंमलबजावणी करणे होय.

* AGRISTACK/फार्मर आयडीचे फायदे*

1. पी एम किसान योजना लाभ सुलभता

2. शेतकरी कर्ज वितरण सुलभता

3. पिक विमा योजना लाभ

4. पीक हमीभाव खरेदीसाठी मदत

5. किसान क्रेडिट कार्ड अंतर्गत कर्ज वितरण

6. महा बी टी वरील कृषी विभागाच्या सर्व योजनांचा लाभ

7. नैसर्गीक आपत्ती अंतर्गत पिक नुकसानीचे अनुदान मिळेल

8. केंद्र व राज्य शासनाच्या कृषी बाबतच्या सर्व योजनांसाठी आवश्यक

* फार्मर आय डी (शेतकरी ओळखपत्र) काढण्याची सुविधा

1. ग्रामपंचायत स्तरावरील सर्व सी.एस.सी. सेंटर

2. आपले सरकार सेवा केंद्र व सर्व सेतु कार्यालय

* फार्मर आय डी (शेतकरी ओळखपत्र) काढण्यासाठी आपले सरकार सेवा केंद्र व सर्व

सेतू कार्यालय येथे शेतकऱ्यांनी खालीलप्रमाणे आवश्यक कागदपत्रे घेऊन जावेत.

1. आधार कार्ड

2. आधार लिंक मोबाईल क्रमांक

3. सर्व 7/12 व 8अ उतारे

(टिप-शेतकऱ्याचा मोबाईल क्रमांक आधार कार्डशी लिंक केलेला असणे आवश्यक आहे.)

करिता वरीलप्रमाणे आष्टी तालुक्यातील सर्व शेतकरी यांना आवाहन करण्यात येते की, आपल्या जवळच्या सेतू कार्यालय, ग्राम पंचायत सी.एस.सी. सेंटर व आपले सरकार सेवा केंद्रावर जावून अँग्री स्टैंक योजनेअंतर्गत आपला 7/12 आधारला लिंक करावयाचा आहे. जेणेकरुन तुम्हाला एक फार्मर आय डी (शेतकरी ओळखपत्र) मिळेल. ज्याव्दारे भविष्यातील केंद्र व राज्य शासनाच्या सर्व योजनांचा लाभ तुम्हाला घेता येईल. जर आपण आपला फार्मर आय डी (शेतकरी ओळखपत्र) ची नोंदणी केली नाही तर आपल्याला शासनाच्या विविध योजनांचा लाभ यापुढे मिळणार नाही. तरी तालुक्यातील उर्वरीत 22175 शेतकऱ्यांना फार्मर आयं डी (शेतकरी ओळखपत्र) बनवून घेण्यासाठी तालुका प्रशासनाच्या वतीने आवाहन करण्यात आले.