कड्यात डासांचा प्रादुर्भाव वाढला; दवाखाने झाले हाऊसफुल
--------------------------
ग्रामपंचायत व आरोग्य प्रशासनाने खबरदारी घेण्याची गरज

------------------

राजेेंद्र जैन / कडा

---------------------

सततचे ढगाळ वातावरण, अधूनमधून रिमझिम पावसाच्या कोसळणा-या सरी आणि डासांचा वाडता प्रादुर्भाव यामुळे सध्या कडा परिसरात सर्दी, खोकला, हिवताप, निमुनिया, चिकुनगुनिया यासारख्या साथीच्या आजाराने त्रस्त रुग्ण संख्येत वाढ होऊ लागल्याने दवाखाने हाऊसफुल्ल होऊ झाले असून,

ग्रामपंचायत व आरोग्य प्रशासनाने तातडीने डास प्रतिबंधक उपाययोजना करण्याची मागणी नागरीकांतून होत आहे.

मागील महिनाभरापासून सतत पाऊस पडत असल्यानमुळे सखल भागात पाणी साचून परिसरात गवत वाढले आहे. या साचलेल्या पाण्याच्या डबक्यामुळे डासांचा प्रादुर्भाव देखील मोठ्या प्रमाणात वाढला आहे. तर अस्वच्छ पाण्याची डबके डासांची उत्पत्ती केंद्र बनली आहेत. त्यामुळे कडा परिसरात सर्दी, खोकला, हिवताप, निमुनिया, चिकुनगुनिया यासारख्या साथीच्या आजाराने डोके वर काढले असून, शहरात घरोघरी सर्दी, खोकला, हिवतापाचे रुग्ण आढळून येत आहेत. यामध्ये लहाण मुलांचे व वृध्दांचे प्रमाण अधिक दिसून येते. सरकारी व खाजगी दवाखाने हाऊसफुल्ल होऊ झाले आहेत. रुग्णांनी वेळीच वैद्यकीय सल्ला घेतला नाही तर व्हायरल इन्फेक्शनमुळे गोचीड ताप, डेंगू, चिकुनगुनिया, निमुनिया, टाईफाॅईड, या आजारात रुपांतर होण्यास वेळ लागणार नाही. असे वैद्यकीय तज्ञाचे म्हणणे आहे. पावसाळ्यातील साथीच्या आजारांना प्रतिबंध घालण्यासाठी ग्रामपंचायत व आरोग्य प्रशासनाने तातडीने खबरदारी घेऊन डास निर्मुलन प्रतिबंधक उपाययोजना करण्यासाठी धूर फवारणी करण्याची मागणी नागरीकांतून होत आहे.

--------%-----------