मुख्यमंत्री व पालकमंत्र्यांकडून  काॅग्रेस तालुकाध्यक्ष रवि(काका) ढोबळे यांच्या मागणीची दखल,  ई पीक पाहणीची अट रद्द

आष्टी प्रतिनिधी

मा.मुख्यमंत्री एकनाथ शिंदे व पालकमंत्री धनंजय मुंडे यांच्या कडून भारतीय काॅग्रेस  तालुकाध्यक्ष रवि(काका) ढोबळे यांच्या मागणीची दखल घेत ई पीक पाहणीची अट रद्द करण्यात आल्याने आता शेतकऱ्यांना सरसकट अनुदान मिळण्याचा मार्ग मोकळा झाला आहे. 

       याबाबत अधिक माहिती अशी की, कधी अतिवृष्टी तर दुष्काळी परिस्थितीमुळे आष्टी पाटोदा,शिरूर विधानसभा मतदारसंघातील शेतकरी सतत आर्थिक संकटात सापडतो. यावर्षी देखील जिल्ह्याच्या अनेक भागात अतिवृष्टीने पिकांचे मोठ्या प्रमाणात नुकसान झाले आहे. परंतु अनुदान मिळण्यासाठी शासनाने ई  पिक पाहणीची जाचक अट घातली होती. ई पिक पाहणी सर्वच शेतकरी करु शकत नाहीत.सर्वच शेतकऱ्याकडे अँड्रॉइड मोबाईल नाहीत तसेच ग्रामीण भागात मोबाईल रेंजचा प्रश्न उद्भवतो, सर्व्हर डाऊनचाही प्रश्न निर्माण होतो त्यामुळे सर्व शेतकरी ई  पिक पाहणी करू शकत नाहीत. किमान ४० ते  ५० टक्के शेतकरी ई पीक पाहणी करु शकले नाहीत त्यामुळे ते अनुदानापासून वंचित होते.

       यामध्ये अनेक वाड्या वस्त्यां वरील शेतकऱ्यांनी ई पिक पाहणीची जाचक अट रद्द करुन सरसकट अनुदान द्यावे अशी मागणी केली होती. शेतकऱ्यांच्या मागणीची रवि(काका)ढोबळे यांनी गांभीर्याने दखल घेत 

शासनाकडे मागणी केली होती तेजवार्ताने याबाबत वृत्त  प्रसिद्ध केले होते. सोशल मीडियावरुन सर्वत्र व्हायरल झाले होते .रवि(काका)ढोबळे यांनी ई पीक पाहणीची अट रद्द करून सरसकट अनुदान द्यावे अशी मागणी केली होती. त्या अनुषंगाने पालकमंत्री धनंजय मुंडे, मुख्यमंत्री एकनाथ शिंदे यांनी ई पिक पाहणीची अट रद्द करण्याची घोषणा केली. त्यामुळे सर्वसामान्य शेतकऱ्यांना आता सरसकट अनुदान मिळणार आहे 

 ही मागणी काॅग्रेस आष्टी तालुकाध्यक्ष रवि(काका)ढोबळे यांनीच लावून धरल्याने ती पूर्णत्वास गेली आहे त्यामुळे  जिल्ह्यातील हजारो शेतकरी समाधानी झाले आहेत. सर्व शेतकऱ्यांनी भारतीय काॅग्रेस आष्टी तालुकाध्यक्ष  यांना धन्यवाद दिले आहेत.