मतदारांनी साथ दिल्यामुळेच मी मतदारसंघाचा विकास करु शकलो- माजी आ. भीमराव धोंडे
आष्टी प्रतिनिधी - मी माजी असुनही माझ्या वाट्याला माणसांचे वैभव आले आहे त्यामुळे स्वःताला भाग्यवान समजतो. चार वेळा विधानसभा सदस्य होतो. या वीस वर्षांच्या काळात लोणी, साकत व पिंपळा परिसरातील अनेक विकासकामे मी आमदार असतानाच करण्यात आली आहेत. सर्व कामे दर्जेदार व टिकाऊ केली आहेत तसेच मतदारसंघातील मतदारांनी साथ दिल्यामुळेच मी मतदारसंघाचा विकास करु शकलो असे माजी आमदार भीमराव धोंडे लोणी, पिंपळा व साकत येथे झालेल्या जनसंपर्क अभियान दौऱ्याच्या निमित्ताने सांगितले.
आष्टी विधानसभा मतदारसंघातील सर्व सामान्यांच्या समस्या जाणून घेण्यासाठी माजी आ. भीमराव धोंडे यांनी मंगळवारी दिनांक ६ ऑगस्ट रोजी जनसंपर्क अभियाना अंतर्गत आष्टी तालुक्यातील नांदूर , धनगरवाडी, पिंपळा, साकत, लोणी सय्यदमीर गांवाचा व परिसरातील वाड्या वस्त्यावर फिरून लोकांच्या भेटी घेऊन संवाद साधत त्यांच्या समस्या जाणून घेतल्या. दौऱ्याच्या निमित्ताने माजी आ. भीमराव धोंडे यांचे ठिकठिकाणी वाजतगाजत व तोफा वाजवुन जोरदार स्वागत करण्यात आले. वीस दिवसांपासून सुरू केलेल्या अभियानामध्ये माजी आमदार भीमराव धोंडे यांनी आतापर्यंत आष्टी, पाटोदा, कडा, शिरूर, धामणगाव, अंमळनेर , पिंपळवंडी या गावाचा दौरा केला. लोणी गटातील दौऱ्याला ग्रामस्थांनी उत्स्फूर्त प्रतिसाद दिला. दौऱ्याच्या निमित्ताने मा. पं. स. सदस्य संजय धायगुडे, माजी सरपंच चंद्रशेखर साके, प्रा. दादा विधाते, उपसरपंच रामा देवकर, युवा मल्हार सेनेचे युवराज खटके, चंदु शेंडगे, सचिन सुंबे, माजी पं. स. सदस्य दिगंबर मेहेत्रे, भैरवनाथ खांदवे व इतर कार्यकर्ते सोबत होते.
यावेळी नांदूर, धनगरवाडी,पवार वस्ती, पिंपळा येथील मातंग वस्ती ( लोखंडे ), तिरमली वस्ती, बौद्ध विहार, पवार वस्ती, मेहेत्रे वस्ती, सुंबेवाडी,भवर वस्ती, लोणी सय्यदमीर येथील भोसले वाडा ( बुद्ध विहार ), परिसरातील अनेक वस्त्यांवर भेटी दिल्या तसेच गावात फिरून व्यापाऱ्यांच्या भेटी घेतल्या त्याचप्रमाणे साकत गावात जाऊन नागरिकांच्या समस्या जाणून घेतल्या.
वेगवेगळ्या ठिकाणी झालेल्या बैठकीत मा. आ. भिमराव धोंडे यांनी सांगितले की, आपल्या शिक्षण संस्थेत सर्व जाती धर्माचे शिक्षक व इतर कर्मचारी कार्यरत आहेत , मी कधीही भेदभाव कधी केला नाही. पिंपळा येथे पिंपळेश्वर माध्यमिक व उच्च माध्यमिक विज्ञान व वाणिज्य शाखा लवकरच सुरू करण्यात येणार आहे. ग्रामीण भागातील विद्यार्थ्यांच्या शिक्षणाची सोय करता आली याचा मला आनंद आहे. भविष्यात माझ्या सोबत रहा उर्वरित रस्त्यांची व इतर विकासकामे पूर्ण करु,
सुंबेवाडी येथे कोट्यावधी रुपयांची विकासकामे केली आहेत .मी कोणत्याही कामात कधीही कमिशन घेतले नाही, अलिकडच्या काळात दर्जेदार कामे होत नाहीत. भविष्यात चांगला विकास करण्यासाठी सहकार्य करा असे आवाहन मा. आ. धोंडे यांनी केले. वेगवेगळ्या ठिकाणी झालेल्या बैठकीत सरपंच राजेंद्र खुरंगे, माजी सरपंच धनराज गावडे, माजी सरपंच चंद्रशेखर साके, युवराज खटके, माजी पं. स. सदस्य संजय धायगुडे, दशरथ शिंदे, प्रा. दादा विधाते, माजी उपसरपंच महादेव शेळके, ग्रा. पं. सदस्य आजिनाथ थोरात, माजी सरपंच मुरलीधर भोगाडे व इतरांनी आपले मनोगत व्यक्त केले. यावेळी
दत्तोबा शेळके, नारायण पवार, केदारे मेजर,राधेश बेल्हेकर, आकाश खोमने, ग्रा. पं. सदस्य अक्षय सावरे, गणेश पवार, उपसरपंच रामदास देवकर, संतोष व्यावहारे, ग्रा. पं. सदस्य सुभाष दादा भोसले, अमोल पवार, बजरंग सांगळे, जालिंदर शिरोळे, बाबा भोसले, उत्तम वाळके, ग्रा. पं. सदस्य चंद्रकांत सावरे, अभय भोसले, गणेश मुर्तीकार संतोष शिंदे, दिलीप रक्टाटे, उत्तम वाळके,छबुराव भोगाडे, माजी सरपंच मुरलीधर भोगाडे,सुर्यभान शिंदे, ग्रा. पं. सदस्य आजिनाथ थोरात, राजु शिंदे, रामभाऊ भोगाडे, विठ्ठल वाघ इत्यादींनी माजी आमदार भीमराव धोंडे यांचे स्वागत केले.
___________
stay connected