स्वराज्य संकल्पक शहाजीराजे भोसले जयंती महोत्सव १५ते २५ मार्च असा दहा दिवस साजरा होणार.

-----------------

शहाजीराजे भोसले यांच्या जयंती मोहोत्सवास मोठ्या संख्येने उपस्तीत रहा-शिवाजी ठोंबरे

-----------------

केज/प्रतिनिधी

संपुर्ण विश्वाला प्रेरणादायी असलेल्या कुळवाडी भूषण छत्रपती शिवाजी महाराज यांच्या भोसले कुळाचे मुळगाव म्हणजे संभाजीनगर जिल्हयातील वेरुळ हे होय. स्वराज्य संकल्पक शहाजीराजे भोसले जयंती महोत्सव १५ ते २५ मार्च असा दहा दिवस साजरा होणार असल्याची माहिती दि. १५ मार्च २०२३ रोजी  पत्रकार परिषदेत स्वराज्य संकल्पक शहाजीराजे भोसले जयंती महोत्सव समितीचे संस्थापक अध्यक्ष किशोरभाऊ चव्हाण, राजेंद्र दाते पाटील यांनी दिली.

पुढे बोलतांना ते म्हणाले की, वेरुळ या ठिकाणी भोसले घराण्याच्या पराक्रमी व कर्तृत्ववान वास्तव्याने पावन झालेली भोसले कुटुंबीयांची गढी देखील आहे. वेरुळच्या याच गढ़ी मध्ये  शिवाजी महाराजांचे वडील स्वराज्य संकल्पक शहाजीराजे भोसले यांचा दिनांक १८ मार्च १५९४ रोजी जन्म झाला. शहाजीराजेंनी आपल्या अतुलनीय कामगिरीने सर्वाचे लक्ष वेधुन घेतले निजामशाही, मोगलाईत त्यांनी स्वतंत्र बाण्याचे पराक्रमी सरदार म्हणुन मोठा नाव लौकिक त्यानी मिळविला होता. इ.स. १६३६ मध्ये अदिलशाहीत बंगलोरची जहागीरी मिळाल्यावर त्यांनी पाहीलेले स्वराज्याचे स्वप्न पूर्ण करण्यासाठी त्यांनी आपले दुसरे पुत्र बाल शिवाजी यांना सुयोग्य प्रशिक्षण देऊन सर्व

शास्त्रात पारंगत झाल्या वर त्यानी आपली पत्नी जिजाऊ व पुत्र बाल शिवाजी यांना इ.स. १६४२ मधे च भगवा ध्वज, राजमुद्रा, विश्वास सहकारी, सैनिक व धनद्रव्य देऊन आपल्या पुणे जाहागिरीवर पाठविले. याच बाल शिवाजींनी जिजाऊ व शहाजी राजेंच्या प्रेरणेने बहुजनांच्या लोक कल्याणकारी राज्याची स्थापना केली. अशा या महापराक्रमी स्वराज्य संकल्पक शहाजीराजे भोसले यांच्या मालकीची वेरुळ येथील सदरची भोसल्यांची गढि गेली अनेक वर्षे दुर्लक्षीत होती. स्वराज्य संकल्पक शहाजीराजे भोसले जयंती महोत्सव समितीने मागील वीस वर्षे कार्य करून स्मारक उभे करण्यासाठी परिश्रम घेतले असुन १९ फेब्रुवारी २००३/ पासुन १२ जानेवारी २००६ असे सतत ३ वर्ष शासनाच्या विरोधात विविध प्रकारे आंदोलने करून व प्रशासकीय पाठपुरावा केला त्यामुळे वेरूळ या ठिकाणी एक भव्य असे आंतरराष्ट्रीय दर्जाच्या स्मारकाचे काम सुरु झाले. शासनाने या कामी आता पर्यंत

२ कोटी ३० लाख रुपये निधी देऊन या कामाची सुरुवात केली असुन महापराक्रमी स्वराज्य संकल्पक शहाजीराजे भोसले याची ४२५ वी जयंतीचा महोत्सव त्यांच्या जन्मस्थळी वेरुळ गढी जि. छत्रपती संभाजीनगर येथे आयोजित केला आहे. यावेळी नागपूर चे मुधोजीराजे भोसले,लाखोजीराव जाधव यांचे वंशज शिवाजीराजे जाधव,केंद्रीय अर्थ राज्य मंत्री भागवत कराड,संदीपान भुमरे,सहकार मंत्री अतुल सावे,अंबादास दानवे,शिवसेना नेते चंद्रकांत खैरे,पद्माकर मुळे,यांच्या सह स्वराज्य संकल्पक शहाजीराजे भोसले जयंती महोत्सव समिती चे संस्थापक किशोर भाऊ चव्हाण  यांची उपस्तिथी असणार आहे.

व प्रसंगी शिवप्रेमींनी अभिवादन करण्यासाठी बहुसंख्येने उपस्थित राहावे असे आवाहन छावा चे बीड जिल्हा प्रमुख शिवाजी ठोंबरे  यांच्या वतीने करण्यात आले आहे.